ავარიის შედეგად დაშავებულების მდგომარეობა დასტაბილურდა

სამიდან ორი დაშავებული ჯერ გონზე არაა. როგორც მათი ახლობლები ამბობენ, ერთ–ერთს გუშინ ფეხზე კიდევ ერთი ოპერაცია გაუკეთდა, მეორე დაშავებული კი მდგომარეობის გაუმჯობესების გამო, მართვითი სუნთქვის აპარატიდან მოხსნეს: „მდგომარეობა კარგია, თუმცა ექიმებს გონზე ჯერ არცერთი მოყავთ. ამბობენ, რომ ორი დღის განმავლობაში გათიშული ეყოლებათ და მათ მდგომარეობას ისე დააკვირდებიან“.

დაშავებული მესამე ახალგაზრდა ისევ „ახალციხის რეფერალურ ჰოსპიტალში“ აგრძელებს მკურნალობას. მისი მდგომარეობა ავარიიდან მეორე დღესვე სტაბილური იყო და არც თბილისში გადაყვანა გახდა საჭირო.

შეგახსენებთ, რომ ახალციხე–ასპინძის გზაზე, სოფელ რუსთავთან ავტოსაგზაო შემთხვევა 7 მაისს მოხდა. „ტოიოტას“ მარკის ავტომობილი გზაზე მოცურდა გადავარდა.

შემთხვევაზე ძიება 276–ე მუხლის პირველი ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს.

[sknews.ge]