საქართველოს პრეზიდენტი სამცხე–ჯავახეთის უნივერსიტეტს სტუმრობს

საქართველოს პრეზიდენტის უნივერსიტეტში ვიზიტი დღეს, 28 აპრილს, 11:00 საათზე დაიწყო. გიორგი მარგველაშვილი სტუდენტებს საკონსტიტუციო კომისიის მიერ მომზადებული საკონსტიტუციო ცვლილებების პროექტს აცნობს.

მისი განმარტებით, დოკუმენტი სხვა პოლიტიკურ ძალებთან კონსესუსის გარეშე, მხოლოდ ერთმა პოლიტიკურმა ძალამ მიიღო და ხელი მოაწერა. პრეზიდენტი მიიჩნევს, რომ მსგავსი ქმედება დაუშვებელია და საზოგადოების აზრი, საკონსტიტუციო ცვლილებების მიღებისას, მნიშვნელოვანია.

"სამწუხაროა, რომ ყველა პოლიტიკურმა ძალამ, რომელიც კომისიაში შედიოდა, დატოვა კომისიის შემადგენლობა და მხოლოდ ერთი პოლიტიკური ძალის მიერ არის ხელმოწერილი ეს დოკუმენტი. ამიტომ დღეს კიდევ უფრო მნიშვნელოვანია ხალხის სამსჯავროზე ამ ძირითადი კანონის გამოტანა და ჩვენი დახმარებით მისი დაბალანსება", – განაცხადა შეხვედრაზე საქართველოს პრეზიდენტმა.

პრეზიდენტის ვიზიტი სამცხე–ჯავახეთის სახელმწიფო უნივერსიტეტში კამპანიის, სახელწოდებით "კონსტიტუცია ყველასია" ფარგლებში მიმდინარეობს.

უნივერსიტეტის შემდეგ, შეხვედრა "ახალციხის დემოკრატიული ჩართულობის ცენტრში" გაიმართება, სადაც დისკუსიას გიორგი პოლიტიკური პარტიებისა და არასამთავრობო ორგანიზაციების წარმომადგენლები დაესწრებიან.



[sknews.ge]