პრეზიდენტი არასამთავრობოებსა და პარტიების წარმომადგენლებს ხვდება

სტუდენტებთან შეხვედრის შემდეგ, საკონსტიტუციო რეფორმასთან დაკავშირებულ საკითხებზე, საქართველოს პრეზიდენტი, ახალციხეში არასამთავრობო ორგანზიაციებისა და პოლიტიკური პარტიების წარმომადგენლებთან საუბრობს. შეხვედრა ახალციხის დემოკრატიული ჩართულობის ცენტრში მიმდინარეობს. მას "ახალი მემარჯვენეების" ლიდერი, მამუკა კაციტაძე უძღვება.

ქვეყნის პირველი პირი საკონსტიტუციო კომისიის მიერ შემუშავებული კონსტიტუციური ცვლილებების პროექტის შესახებ აუდიტორიას საკუთარ მოსაზრებას აცნობს. იგი პრეზიდენტის არჩევის წესთან, უფლებების შეზღუდვასთან, საპარლამენტო რესპუბლიკაზე გადასვლასა და საარჩევნო სისტემასთან დაკავშირებით საუბრობს.

შეხვედრა კამპანიის „კონსტიტუცია ყველასია“ ფარგლებში მიმდინარეობს.

შეგახსენებთ, რომ საქართველოს პრეზიდენტი სამცხე–ჯავახეთს გუშინ, 27 აპრილს ესტუმრა. იგი უკვე იმყოფებოდა ასპინძისა და ახალქალაქის მუნიციპალიტეტებში. რეგიონში ვიზიტი დღეს, 28 აპრილს დასრულდება.

[sknews.ge]