რის საფუძველზე ითხოვენ ”რესპუბლიკელები” სომხური ენისთვის სტატუსის მინიჭებას

„1999 წელს, ევროკავშირში ინტეგრაციისას,საქართველომ ევროპული ქარტიის ხელმოწერისა და რატიფიკაციის პასუხისმგებლობა იკისრა. ვეყრდნობით რა ფაქტს, რომ საქართველომ ხელი მოაწერა, მაგრამ არ მოუხდენია ამ ქარტიის რატიფიცირება, ვფიქრობთ, რომ საქართველოს რეგიონების ეროვნული უმცირესობების დაცვა და მხარდაჭერა მნიშვნელოვანი წვლილია საქართველოს მშენებლობაში, რომელიც ემყარება დემოკრატიული და კულტურული მრავალფეროვნების პრინციპებს, ტერიტორიული მთლიანობისა და ეროვნული თვითმმართველობების ჩარჩოებში, მხედველობაში ვიღებთ რა ევროკავშირის უსაფრთხოების საბჭოს გაწეულ შრომას, განსაკუთრებით 1975 წლის ჰელსინკის საბოლოო აქტს, 1990 წლის კოპენჰაგენის საბჭოს დოკუმენტს და ასევე მხედველობაში ვიღებთ, რომ რეგიონული ენებისა და ეროვნული უმცირესობების ენების დაცვა და განვითარება არ უნდა მოხდეს სახელმწიფო ენის საზიანოდ და ვფიქრობთ მისი შესწავლის აუცილებლობაზე, ვითხოვთ ქარტიის რატიფიცირებას“, - ნათქვამია განცხადებაში.

განცხადება საკრებულოს წევრებს ფრაქცია „რესპუბლიკელების“ თავმჯდომარემ სარგის უზუნიანმა წარუდგინა. განცხადების ძირითადი შინაარსი საკრებულოს დეპუტატებმა დადებითად მიიღეს, თუმცა, რამდენიმე დეპუტატმა დამატებების შეტანის წინადადებები წამოაყენა.

„აგრარული“ ფრაქციის წარმომადგენელმა მერუჟან ეზოიანმა დამსწრეებს შესთავაზა განცხადებაში აღენიშნათ, რომ ეს საკითხი ადრეც იყო დასმული.

„ადრინდელ გადაწყვეტილებებზე დაყრდნობით, რადგან 1999 წლიდან მოყოლებული ეს საკითხი პერიოდულად ისმებოდა, ეს დღევანდელი საკითხი არ არის, ეს ხალხის რეალური მოთხოვნაა. ადრე ადგილობრივ ხელისუფლებასთან განხილვები ტარდებოდა. დეპუტატები ხელს აწერდნენ და სახელმწიფოს მიმართავდნენ“, - განაცხადა ეზოიანმა.

ასევე წინადადებით გამოვიდა „სამცხე-ჯავახეთის სომხური საზოგადოებრივი ორგანიზაციების საბჭოს“ წარმომადგენელი მელს თოროსიანი.

„კონვენციაში კონკრეტულად სომხურ ენაზე მინიშნება არ არის გაკეთებული, ანუ ჩვენ ვითხოვთ, რომ მოცემული საკითხი განხილულ იქნას და მოხდეს ქარტიის რატიფიცირება, მაგრამ არ აღვნიშნავთ, რომ სომხები ვითხოვთ სომხური ენის, როგორც რეგიონული ენის დაცვას. ეს ცალკე კონვენციის ცალკე პუნქტია, ამის არევა არ შეიძლება, თუ არ აღვნიშნავთ, შეიძლება სიის მიღმა აღმოვჩნდეთ“, - ამბობს იგი.

[აღუნიკ აივაზიანი,ახალქალაქი]