გაზის გათიშვის გამო ახალციხის ბაღებში სასწავლო პროცესი შეფერხდა

ახალციხის სკოლამდელი აღზრდის დაწესებულებათა გაერთიანებაში განგვიმარტეს, რომ ახალციხის რვავე ბაგა–ბაღი მუშაობს, თუმცა იმის გამო, რომ ბუნებრივი აირი არ არის, დაწესებულების სრული დატვირთვით მუშაობის შემთხვევაში, აღსაზრდელებისთვის საკვების მომზადებას ვერ შეძლებენ.

„დენის „პლიტები“ გვაქვს პატარა „კამფორებით“. ცოტა ბავშვისთვის საჭმელის მოზადება პრობლემა არ იქნება“, – განაცხადა ახალციხის სკოლამდელი აღზრდის დაწესებულებათა გაერთიანების დირექტორმა ნანა ბერიძემ.

შეგახსენებთ, რომ ბუნებრივი აირი ახალციხეში დღეს, დილიდან გაითიშა. კომპანია „ინტერგაზის“ ინფორმაციით, შეფერხების მიზეზი სოფელ ჭაჭარაქში დაგეგმილი სამუშაოებია, – სოფლის ქსელი ცენტრალურ სისტემაზე უნდა დააერთონ. კომპანიის ინფორმაციით, ბუნებრივი აირის მიწოდება, სავარაუდოდ, 13:00 საათისთვის უნდა აღდგეს.

[თინათინ ზაზაძე, ახალციხე]