ახალციხის შვიდ ქუჩას ბუნებრივი აირი არ მიეწოდება

გაზი არ მიეწოდება თაბუკაშვილის და მიმდებარე ქუჩებს. რამდენი აბონენტია ბუნებრივი აირის გარეშე, კომპანია „ინტერგაზში“ არ გვეუბნებიან.

„მიმდინარეობს დაერთება და ორ საათში [16:00 საათი] გაზის მიწოდება აღდგება ყველგან“, – განაცხადა „ინტერგაზის“ დირექტორმა ვასილ აბულაძემ.

კითხვაზე, იყო თუ არა მოსახლეობა ინფორმირებული გაზის გათიშვის შესახებ ვასილ აბულაძემ გვიპასუხა: „ცხელი ხაზი გაფრთხილებული იყო“.

თაბუკაშვილის ქუჩაზე მცხოვრებმა რამდენიმე მოსახლემ გვითხრა, მათთან ბუნებრივი აირის გათიშვის შესახებ მოკლეტექსტური შეტყობინება არ მისულა.

[გულო კოხოძე, ახალციხე]