ხვალ დილამდე ახალციხეს ბუნებრივი აირი არ ექნება

"ინტერგაზის" დირექტორის ვასილ აბულაძის განმარტებით, ახალციხე–ახალქალაქის გზის დასაწყისში, რესტორან 'რომანტიკასთან' ერთ–ერთმა ადგილობრივმა ტრაქტორით მიწისქვეშა ქსელი დააზიანა. ქალაქს ბუნებრივი აირის მიწოდება ამის გამო შეუწყდა.

მისივე განმარტებით, ტექნიკური ჯგუფი ადგილზეა და მუშაობს, თუმცა, ავარია ამაღამვე რომ აღმოიფხვრას, გაზის მიწოდება მაინც არ აღდგება.

„სულ რომ გაკეთდეს, ღამე ვერ ჩავრთავთ, არ შეიძლება“, – ამბობს აბულაძე და ამატებს, რომ გაზის მიწოდება სავარაუდოდ ხვალ, დილის 11:00 საათისთვის აღდგება.

ამ ეტაპზე, ბუნებრივი აირის გარეშე, ახალციხეში 6.500 აბონენტია დარჩენილი.

[sknews.ge]