ზურა თამარაძე გვეუბენბა, რომ აქ ადრე ქალაქი ყოფილა, გალავნით და ხუთი საგუშაგოთი შემოსაზღვრული.
მაია ლომიძე 17 წლის იყო, დასავლეთიდან თოკში რომ გამოთხოვდა. აქ ისწავლა ჩეჩილი ყველის კეთება და მესხური ხაჭაპურის ცხობა. ამბობს, რომ სოფლიდან სტუმარი მისი გაკეთებული ხაჭაპურის დაგემოვნების გარეშე არასდროს წასულა: "ნახევარ საათში ვაცხობ, ყველა პროდუქტი ნატურალურია,ჩემი ოჯახის მიერ მოყვანილი. ფქვილიც კი ჩემი ყანებიდან მოტანილი თავთავით მაქვს დაფქული".
ეს დავლაშერიძეების ეზოა. ერთადერთი ეზო, სადაც ბავშვების სარეცხი ფრიალებს. სოფელში, სადაც მხოლოდ 12 ოჯახი შემორჩა,უმეტესობა ხანდაზმულები არიან
ნათელა თარხნიშვილი წლების წინ თბილისში ცხოვრობდა, ბოლო რამდენიმე წელია თოკში დაბრუნდა, მეფუტკრეთა კოოპერატივი შექმნა და 6 ადგილობრივი გააერთიანა.
თოკის სკოლა 2016 წლის 20 სექტემბერს გაიხსნა. სკოლაში ორი მოსწავლე სწავლობს გიორგი და დურმიშხან დავლაშერიძეები.
გიორგი დავლაშერიძე პირველკლასელია. ერთ საკლასო ოთახში, ძმასთან ერთად ზის. ძმა მესამე კლასის, თავად კი პირველი კლასის პროგრამას გადის
სკოლის ეზოს ეს 'საქანელა' ძმები დავლაშერიძეების ერთადერთი გასართობია.
ეს ნანგრევი სოფლის სკოლაა, რომელიც ადრე მოსწავლეებით სავსე ყოფილა
ორი წლის სოფო დავლაშერიძე ერთადერი პატარაა სოფელში. მთელი დღე, ვიდრე ძმები სკოლიდან დაბრუნდებიან, სილაში კენჭებით მარტო თამაშობს. თამრიკო დავლაშერიძე ერთადერთი მცხოვრებია სოფელ თოკში, რომელიც მესხურ სომინსა და შოთს ისევ ძველ ფურნეში აცხობს. როგორც ამბობს, შენობა, სადაც ფურნე დგას, დაახლოებით ერთი საუკუნის წინაა აშენებული, აქ ადრე ოჯახებით ცხოვრობდნენ, ახლა უკვე სათავსოდ იყენებენ.სოფელში გადმოცემით ახსოვთ, რომ ადრე ამ სახლში სოფლის ბატონი ცხოვრობდა.
ძმები დავლაშერიძეები და მათი დედა, ლამარა ფანჯაკიძე სკოლიდან ბრუდებიან. ლამარა ერთ–ერთია თოკის სკოლის ორი მასწავლებლიდან. ამბობს, რომ ეს სკოლა სოფლის გადარჩენის ერთადერთი გზაა.
წლებია აღარ უმუშავია მაღაზიას თოკში. ახლა ადგილობრივები პროდუქტების საყიდლად ასპინძაში დადიან
ეს სოფლის მთავარი წყაროა, მაგრამ სასმელად უვარგისი – მლაშეა და ამიტომ, მხოლოდ დასარეცხად იყენებენ. სასმელ წყალს სოფლის ხევიდან, ვირებით ეზიდებიან
თოკში თითქმის ყველა სახლი ერთნაირია, – ერთსართულიანი, ქვისა დ ხის
ამ ეკლესიაში წირვა იშვიათად ტარდება. სოფელში ეკლესიაზე ბევრი არაფერი იციან, ახსოვთ, რომ ერთხელ, წლების წინ,
ქვის ფილებიანი სახურავი ახადეს, ფილების წაღება უნდოდათ, მაგრამ ადგილობრივებმა უფლება არ მისცეს. ის ფილები ახლაც ეკლესიის ეზოში აწყვია
სოფელი თოკი სამხრეთ საქართველოში, სამცხე-ჯავახეთის მხარის ასპინძის მუნიციპალიტეტში, ვარგავის თემში, ახალქალაქის პლატოზე, მდინარე ფარავნის მარჯვენა მხარეს მდებარეობს.
სოფლის უხუცესმა, გიორგი თამარაძემ სოფლის ყველა ქვის ისტორია იცის. გული სწყდება, რომ ერთ დროს ხალხმრავალ სოფელში ახლა თითზე ჩამოსათვლელი ოჯახები დარჩნენ.
თოკი ზღვის დონიდან 1640 მეტრზეა. სოფელს ასპინძიდან 28 კილომეტრი აშორებს
[თინათინ ზაზაძე, ასპინძა]