დაზიანებული წყლის მილი და გუბეები რუსთაველის ქუჩის ტროტუარზე [Photo]

ახალციხეში, რუსთაველის ქუჩაზე, ასპინძის ქუჩის ჩასახვევთან, წყლის გუბე კვირის დასაწყისში გაჩნდა. ფეხით მოსიარულეებს ამ ადგილზე გასავლელად, ხშირად, ავტომანქანების სავალ ნაწილზე გადასვლა უწევდათ.

რუსთაველის ქუჩაზე დაზიანებული კერძო მილია. საცხოვრებლის მეპატრონემ ვინაობის გამხელა არ ისურვა, თუმცა, გვითხრა, რომ წყალმომარაგების კომპანიას დასახმარებლად ორი დღის წინ მიმართა: „მითხრეს, რომ არ ეცალათ და როგორც კი მოახერხებდნენ, ამ დღეებში, გამოივლიდნენ და მიხედავდნენ“.

მეპატრონის ნათქვამი უარყვეს საქართველოს გაერთიანებული წყალმომარაგების კომპანიაში. თანამშრომლები ადგილზე მხოლოდ მას შემდეგ გავიდნენ, რაც „სამხრეთის კარიბჭეს“ ჟურნალისტი დაუკავშირდათ.

„უკვე გავიდნენ ადგილზე და სადაც დაზიანებაა, იმ მონაკვეთს ჩაუტარებენ რეაბილიტაციას“, – გვითხრეს დაკავშირებიდან მალევე წყალმომარაგების კომპანიის საზოგადოებასთან ურთიერთობის სამსახურში.



[sknews.ge]