უპრეცედენტო ბიზნეს ისტორიას ახალციხეში ვაჟა ჩიტაშვილი ქველმოქმედებად აფასებს

ახალციხის მუნიციპალიტეტის გამგებლი ბესიკ ხითარიშვილი ვარაუდობს, რომ ათამდე სოფელში, ნახევრად დანგრეულ შენობებში, სხვადასხვა ფირმების მიერ გადახდილი მილიონობით ლარი ”ნაციონალურმა მოძრაობამ” წინასწაარჩევნო კამპანიისთვის გამოიყენა.

გამგებლის მოსაზრებას ვაჟა ჩიტაშვილი არარეალურს უწოდებს და აცხადებს, რომ მუნიციპალიტეტს წინასაარჩევნოდ პარტიისთვის არანაირი თანხა არ გადაურიცხავს: ”მუნიციპალიტეტის ბიუჯეტიდან ფული პარტიის ანგარიშზე ვერანაირად ვერ მოხვდებოდა. ვერ ვხვდები წინასაარჩევნოდ მუნციპალიტეტს ეს თანხა ჩვენთვის რა ფორმით უდნა გადაეხადა?!”

ჩიტაშვილი ვარაუდობს, რომ შესაძლოა რიგ პიროვნებებს მუნიციპალიტეტის განვითარებაში წვლილის შეტანა სურდათ და ეს სწორედ ამ ფრომით, ანუ აუქციონზე გამოტანილი შენობების შეძენით მოახერხა: ”თუ არა სურვილი, მუნიციპალიტეტის განივთარებას შეუწყო ხელი, მაშინ გიჯი უნდა იყო, რომ 100 ლარიანი ქონება 1000 ლარად შეისყიდო. ის, რომ მყიდველს ამის გაკეთება ბიზნესის განვითარებისთვის არ სჭირდებოდა, ფაქტია”.

ჩიტაშვილი ვარაუდობს, რომ ამ შემთხვევაში მყიდველების მხრიდან ქველმოქმედებას აქვს ადგილი: ”მქონია შემთხვევა მიკროავტობუსში ჯიბის 5 ლარიანი კალენდარი 10 ლარად მიყიდია, იმიტომ კი არა, რომ მჭირდებოდა, არამედ იმიტომ რომ გამყიდველი შემცოდებია. ამ შემთხვევაშიც ორი მიზეზია, ქველმოქმედება, ან შიშის ფაქტორი”.

ის, თუ რატომ შეისყიდეს ფირმებმა მაგალითად 5000 ლარად ღირებული შენობა ნახევარ მილიონ ლარად, ჩიტაშვილი ამბობს, რომ ამის შესახებ თავად მყიდველებმა უნდა თქვან: ”წინასარ რომ ვივარაუდო, მუქარას ჰონდა ადგილი, ბოლო-ბოლო პროკურორი ვიყავი და მაშინ ამაზე რეაგირება უნდა მომეხდინა. ამიტომ წინასწარ ვერაფერს ვიტყვი”.

ჩიტაშვილი აცხადებს, რომ მაშინ მუნიციპალური ბიუჯეტის დიდი ნაწილი ახალციხის ციხის მშენებლობაზე იხარჯებოდა, ამდენად ვარაუდობს რომ ეს თანხაც გამოყენებული სწორედ ამ მიმართულებით იქნა.

”ყველაფერს ნათელს გამოძიება გახდის”, - გვითხრა ჩიტაშვილმა.

[თამუნა უჩიძე, ახალციხე]