კახა კალაძემ ახალციხეში შავი ზღვის ელექტროგადამცემი ქვესადგური მოინახულა

კალაძე ახალციხის მუნიციპალიტეტის სოფელ ზიკილიასთან მშენებარე ქვესადგურს პირველად ესტუმრა. მისი თქმით, პროექტის მშენებლობა თითქმის დასრულებულია.

- ”თურქულ მხარეს ველოდებით, როგორც გვითხრეს აპრილში დაასრულებენ სამუშაოს და მაისში დაიწყება ტესტირება”, - ამბობს კალაძე.

მისი განცხადებით, ტესტირების დასრულების შემდეგ საქართველო უკვე შეძლებს ელექტროენერგიით ვაჭრობას: ”შეგვეძელბა გავიტანოთ ელექტროენერგია თურქეთსა და ევროპაში”.

მინისტრი ამბობს, რომ პროექტი ქვეყნისთვის ძალიან მნიშვნელოვანია: ”მისი საშუალებით შეგვეძლება საქართველოში ზაფხულსა და გაზაფხულზე გამომუშავებული ენერგია ქვეყნის ფარგლებს გარეთ გავიტანოთ. დანარჩენ პერიოდში კი, თუ ამის სურვილი და საუშუალება ექნება თურქეთსა და აზრბაიჯანს, ჩვენი დახმარებით თავად გაყიდონ თავიანთი ენერგია”.

ახალციხის 500/400/220 კვ ქვესადგურისა და მუდმივი დენის ჩანართის მშენებლობა ოფიცილაურად 2011 წლის 3 მაისს გაიხსნა.

[თამუნა უჩიძე, ახალციხე]