ვეტერანების საქმის განხილვა გადაიდო

21 მარტს ახალციხის რაიონულ სასამართლოში ახალციხის მერიის სარჩელის განხილვა მოსამზადებელი ეტაპიდან უნდა გაგრძელებულიყო, თუმცა სხდომა არ გახსნილა.

როგორც მოპასუხე მხარის ადვოკატი ივანე ტატალაშვილი აცხადებს, მიზეზი მესამე მხარის ადვოკატის ეკა აბაშიძის გამოუცხადებლობა იყო: „საპელაციოში ჰქონდა სხდომა და ამიტომ ვერ მოვიდა“.

მომავალი სხდომა 31 მარტს 12:00 საათზე გაიმართება.

შეგახსენებთ, რომ ახალციხის რაიონული სასამართლო ახალციხის მერიის სარჩელს იხილავს. ქალაქის მერია პეტრე იბერის N17–ში, სკოლის ყოფილ შენობაში შესახლებული ვეტერანების დაუყოვნებლივ გამოსახლებას ითხოვს. აღნიშნულ საქმეზე მოსამზადებელი სხდომა 2 მარტს გაიმართა.

[თამუნა უჩიძე, ახალციხე]