საკრებულოს თავმჯდომარის მოადგილემ უნივერსიტეტის საერთო საცხოვრებელი დატოვა

ახალციხის საკრებულოს თავმჯდომარის მოადგილემ თამარ გოგოლაძემ პირადი ნივთების დიდი ნაწილი სამცხე–ჯავახეთის უნივერსიტეტის საერთო საცხოვრებელის ოთახიდან უკვე გაიტანა.

„გუშინ დაცალა ოთახი, რაღაც ნივთები დარჩა და იმასაც წაიღებს“, – განაცხადა უნივერსიტეტის საერთო საცხოვრებლის კომენდანტმა დემურ ხითარიშვილმა.

გოგოლაძემ ფართი, რომლითაც უსასყიდლოდ სარგებლობდა და არც კომუნალურ გადასახადებს იხდიდა, მას შემდეგ დატოვა, რაც „სამხრეთის კარიბჭემ“ ამის შესახებ სტატია გამოაქვეყნა.

შეგახსენებთ, რომ ახალციხის საკრებულოს თავმჯდომარის მოადგილე, რომლსაც სამცხე–ჯავახეთის სახელმწიფო უნივერსიტეტთან არანაირი შრომითი ურთიერთობა არ აქვს, სასწავლებლის საერთო საცხოვრებელში წლების განმავლობაში ცხოვრობდა. ოთახს, რომლითაც გოგოლაძე სარგებლობდა, სველი წერტილი ოთახშივე აქვს. ასეთი ოთახი კი მთელ კორპუსში მხოლოდ ორია.

[თამუნა უჩიძე, ახალციხე]