სადაო ტერიტორია, სადაც გაზის გამზომი სადგური შენდება

სამხრეთ კავკასიის გაზსადენი სისტემის გაფართოების მიზნით, საქართველოს ტერიტორიაზე ამჟამად მოქმედი გაზსადენის პარალელურად 56-კილომეტრიანი სიგრძის მაღალი წნევის ახალი მაგისტრალი შენდება.
სოფელ ნაოხრებთან, არია 80-ის გვერდით კი დაგეგმილია გაზის გამზომი და გამაციებელი ახალი სადგურის მშენებლობა.

სადგურის მშენებლობისთვი 6-ჰექტარი მიწის ნაკვეთია გამოყოფილი. ტერიტორია წლებია პერნამენტული დავის საგნადაა ქცეული. სადაო ტერიტორიის ნაწილი მოქალაქეებზეა რეგისტრირებული ნაწილი კი სახელმწიფოს ტერიტორიაა.

მოსახლეობა ამტკიცებს, რომ ტერიტორია, სადაც სადგურის მშენებლობა იგეგმება მათი საკუთრებაა და სანაცვლოდ კომპენსაციას ითხოვს.

მუნიციპალიტეტის გამგეობაში კი განმარტავენ, რომ სადაო ტერიტორია ნაოხრების მოსახლეობას ეკუთვნოდა და ეს საარქივო ცნიობებითაც დასტურდება, თუმცა ასევე აღმოჩნდა, რომ ეს ადგილი სარეგისტრაციო სააგენტოს მიერ სახელმწიფოს ბალანსზეა რეგისტრირებული.

- ”სასოფლო სამეურნეო რეფორმის ჩატარების შემდეგ ეს ტერიტორია ნამდვილად გადანაწილდა ნაოხრების მოსახლოებაზე, მაგრამ ფაქტობრივად ვეღარ ფლობენ, პირველი ისტანციების სასამართლოებმა მიწა მოსახლეობას მიაკუთვნეს,თუმცა სააპელაციო სასამართლოებზე, ვფიქრობთ არასწორი ჩარევებით კვლავ გააუქმეს. 7 სასამართლო პროცესი მოიგო ამ ხალხმა და ამავე დროს მაინც იბლოკებოდა საპელაციო სასამართლოში იმ მოტივაციით, რომ ეკონომიკის სამინიტროს იმ დროინდელმა მესვევურებმა მხარი არ დაუჭირეს პროექტს და ისარგებლეს იმით, რომ მოქალაქეებმა ვერ დაიცვეს თავი სათანადოდ”, - განაცხადა მუნიციპალიტეტის გამგებლის მოადგილემ ავთანდილ თელიაშვილმა.

საკითხით ეკონომიკისა და მდგრადი განვითარების სამინისტრო სამშენებლო ორგანიზაციათა კუთხით დაინტერესდა. წერილი ახალციხის მუნიციპალიტეტის გამგეობას გასულ კვირას გამოუგზავნა.

მუნიციპალიტეტის გამგეობაში ამბობენ, რომ პროექტს მხარს დაუჭერენ, თუმცა მოსახლეობის უფლებების გათვალიწინება აუცილებლად უნდა მოხდეს.

- ”მზად ვართ, რომ პროექტს მხარი დავუჭიროთ და დაიწყოს მშენებლობა, მაგრამ კომპანიას მივცემთ რეკომენდაციას რათა დეტალურად შეისწავლოს და არ დაარღვიოს მოქალაქეთა უფლებები საკომპენსაციო მიმართულებით”,-განაცხადა მუნიციპალიტეტის გამგებლის მოადგილემ ავთანდილ თელიაშვილმა.

[თინათინ ზაზაძე, ახალციხე]