ახალციხეში ახალგაზრდებმა დედის დღე აღნიშნეს

ქალაქის პარკში დღეს, 3 მარტს დილიდან ახალგაზრდებმა ცნობილი ქალების ბანერები გამოფინეს. ბარბარე ჯორჯაძის, ეკტერინე გაბაშვილის კატო მიქელაძის და სხვა ცნობილი ქართველების მოკლე ბიოგრაფიების გაცნობა გამვლელებს სწორედ ამ ბანერების საშუალებით შეეძლოთ. დაინტერესების შემთხვევაში კი ახალგაზრდები მათი ვრცელი ბიოგრაფიის შესახებ ბუკლეტებს არიგებდნენ.

ასევე, ახაგლაზრდები ქალებს პარკში ქაღალდისგან ხელით გაკეთებულ ყვავილებს და მისალოც ბარათებს ჩუქნიდნენ.

„დღევანდელი ღონისძიება დაკავშირებულია დედის დღესათან, გვინდა წარმოვაჩინოთ ის ქალები, რომლებმაც რაღაც კვალი დატოვეს საქართველოს ისტორიაში“, – ამბობს ღონისძიების მონაწილე სტუდენტი ვიქტორია ეგიანი.

ღონისძიება სამოქალაქო ცნობიერებისა და ინტეგრაციის მხარდაჭერის პროგრამის ფარგლებში გაიმართა. მას საქართველოს გაეროს ასოციაცია(UNAG) ახორციელებს. პროექტის ფინანსური მხარდამჭერია აშშ–ს განვითარების სააგენტო(USAID).

პროგრამის პარტნიორი ახალციხესა და ახალქალაქში არასამთავრობო ორგანიზაცია „დემოკრატ მესხთა კავშირია“.



[მარიამ ბარძიმაძე, ახალციხე]