ახალქალაქში იუსტიციის სახლის მშენებლობა სრულდება

ჯეინიუსის ინფორმაციით, იუსტიციის სახლის მშენებლობა დროში გაჭიანურდა და დასრულების ვადამ რამდენჯერმე გადაიწია.

თავდაპირველად შენობა 2016 წლის ოქტომბერში უნდა დასრულებულიყო. პირველად ვადამ წლის ბოლომდე გადაიწია, შემდეგ გააცხადეს, რომ მშენებლობა თებერვლის ბოლოს დასრულდებოდა, გუშინ კი ჯეინიუსის ჟურნალისტს უთხრეს, რომ სამშენებლო სამუშაოები მიმდინარე წლის გაზაფხულზე დასრულდება.

სამშენებლო კომპანიაში მშენებლობის გაჭიანურების მიზეზად მკაცრ ზამთარს ასახელებნ.

ახალქალაქში იუსტიციის სახლს შპს „პრიზმა“ აშენებს. სამშენებლო სამუშაოებისთვის 2 212 693 ლარია გამოყოფილი.

ახალქალაქის იუსტიციის სახლშიც, ისევე, როგორც სხვაგან, მოქალაქეებს 400–მდე სხვადასხვა ტიპის მომსახურების მიღება შეეძლებათ.



[sknews.ge]