ამბები რეგიონებიდან თქვენს მობილურში სწრაფად და მარტივად

„ამბების შემგროვებელი“ – ასე ჰქვია აპლიკაციას მობილური ტელეფონებისათვის, რომელიც მარტივი და მოსახერხებელი გზით მოგაწვდით ამბებს საქართველოს რეგიონული მედიისგან, მათ შორის, ‘სამხრეთის კარიბჭესგან’.

აპლიკაცია თავს უყრის 17 რეგიონული მედიას – საინფორმაციო სააგენტოებს, რადიოებსა და ტელევიზიებს.

თქვენ შეგიძლიათ ჩამოტვირთოთ აპლიკაცია როგორც მობილური ტელეფონის მარკეტიდან, ასევე, ვებგვერდიდან geomobilenews.ge აირჩიოთ თქვენთვის სასურველი მედია და მისგან ოპერატიულად მიიღოთ ახალი ამბავი.

იქვე შეგიძლიათ გაეცნოთ მედიის პროფილს, მის საკონტაქტო მონაცემებს, გადახვიდეთ მის ვებგვერდზე და სურვილის შემთხვევაში, გახდეთ მოქალაქე რეპორტიორი –მისწეროთ და გაუგზავნოთ სასურველ მედიას ფოტო, ვიდეო ან ტექსტური მასალა.

გაითვალისწინეთ, რომ „ამბების შემგროვებელი“ ინტერნეტის ჩართვისას მოაგროვებს თქვენთვის საინტერესო ახალ ამბებს თქვენთვის სასურველი მედია საშუალებებისგან და ამის შემდეგ, თქვენ, მასალების ნახვისთვის ინტერნეტი აღარ დაგჭირდებათ.

აპლიკაცია ქართულ ენაზე იმართება.

აპლიკაცია USAID-ის მიერ დაფინანსებული პროგრამის, “მედია გამჭვირვალე და ანგარიშვალდებული მმართველობისთვის” (M-TAG) მხარდაჭერით შეიქმნა. M-TAG პროგრამა მიზნად ისახავს საქართველოში დამოუკიდებელ, სანდო და დაბალანსებული ინფორმაციაზე საზოგადოების ხელმისაწვდომობის გაუმჯობესებას.მას საერთაშორისო არაკომერციულ ორგანიზაცია„კვლევისა და გაცვლებისა საერთაშორისო საბჭო“ (IREX) ახორციელებს, რომელიც მოწინავე მიდგომებისა და ინოვაციური პროგრამების მეშვეობით ხელს უწყობს პოზიტიურ და გრძელვადიან ცვლილებას გლობალურად.



[ნინო ნარიმანიშვილი, ახალციხე]