სამცხე-ჯავახეთს IREX-ის პროგრამების მენეჯერი მით შელი სტუმრობს

შელი ოთხი თვეა, რაც აირექსის თბილისის ოფისში მუშაობს და როგორც თავად ამბობს, სურს რეგიონებიც მოინახულოს.

- ”დამოუკიდებელ მედიას, ანუ იმ მედია საშუალებებს, რომლებიც საზოგადოებრივ ინტერესებს წარმოდგენს, კარგად არ ეპყრობიან. ასევე სახელმწიფო მოხელეების შესახებ რეგიონებში ინფორმაცია ხელმისაწვდომი არ არის, - აცხადებს მით შელი და ამატებს, რომ მას განსაკუთრებით, მოსახლეობის დაშინების ფაქტები აშფოთებს - ხალხს აშინებენ იმიტომ, რომ მათ არ თქვან სიმართლე. ასეთი რამ თავისუფალ საზოგადოებაში არ უნდა ხდებოდეს”.

რაც შეეხება საქართველოში მედიის დამოუკიდებლობის ხარისხს, შელი ამბობს, რომ ორი უკიდურესობა იკვეთება, ერთ მხარეს გვაქვს მკაფიოდ გამოხატული ხელისუფლების მხარდამჭერი მედია, ხოლო მეორე მხარეს მკვეთრად ოპოზიციური ჟურნალისტიკა.

- ”ჩვენ კი დაინტერესებულები ვართ შუაში მყოფი მედიის წარმომადგენლების მხარდაჭერით, რომლბიც არც მთავრობას წარმოადგენენ და არც ოპოზიციას, რომელიც ხალხის ინტერესებს გამოხატავს და გამოაქვს სააშკარაოზე”, - აცხადებს შელი.

მისივე თქმით, ”სამხრეთის კარიბჭის” სასახელოდ უნდა ითქვას, რომ ეს მედია საშუალება რეალუად აკმაყოფილებს საზოგადოების ინტერესებს: ”ვიცი იდეა, რაც უდგას თქვენი გაზეთის გამოცემას და ვფიქრობ, რომ ეს იდეა ემთხვევა როგორც ჩვენი ორგანიზაციის, ასევე ბევრი საერთაშორისო ორგანიზააციის იდეასაც. ეს იდეა კი მდგოამრეობს დამოუკიდებელი მედიის იდეაში, რაც გულისხმობს პროფესიონალურ ჟურნალისტიკას, სამართლიანობის მხარდაჭერას და დამოუკიდებლობის ხარისხის შენარჩუნებას”.

[თამუნა უჩიძე, ახალციხე]