აპლიკაცია ტვირთისა და ნივთების მარტივად გასაგზავნად

დღეს, 18 ოქტომბერს, ახალციხის მერიის ადმინისტრაციულ შენობაში STYX ვებ–აპლიკაციის გასაცნობად შეხვედრა გაიმართა. მცირე მეწარმეები და კერძო პირები ინოვაციას გაეცნენ, რომლის გამოყენებაც ტვირთის გადაზიდვის ან მისი გაგზავნის მსურველებს შეუძლიათ.

აპლიკაცია ყველა გამგზავნსა და გადამზიდს ერთ ქსელში განათავსებს. მომხმარებელს საშულება ექნება რეიტინგისა და ფასის გათვალისწინებით, მისთვის სასურველი გადამზიდი ობიექტი ან გადასაზიდი ტვირთი შეარჩიოს.

„თუ გადამზიდმა წაიღო ტვირთო და იმ ადგილიდან უკან დაბრუნება ცარიელს უწევს, მას შეუძლია ჩვენი აპლიკაციის სისტემაში მოიძიოს დამატებითი ტვირთი, გააკეთოს შეთავაზება და უკან გზაზე განახორციელოს კიდევ ერთი შეკვეთა, რაც მისთვის იქნება დამატებითი შემოსავლის წყარო“, – განმარტავს კომპანია STYX – საქართველოს დამფუძნებელი ალექსანდრე ქურიძე.

აპლიკაციის საშუალებით შესაძლებელია, როგორც ადგილობრივი, ასევე საერთაშორისო გადაზიდვების განხორციელება. სისტემაში დარეგისტრირება კერძო პირებსაც შეუძლიათ, რომლებიც ერთი წერტილიდან მეორე წერტილში მიემგზავრებიან და ტვირთის წაღების საშუალება აქვთ.

STYX – საქართველოს დამფუძნებლების განამარტებით, ტვირთში მოიაზრება, ნებისმიერი გადასატანი ნივთი, როგორც მძიმე კატეგორიის, ასევე მსუბუქი: დოკუმენტები, წერილები და სხვა. მათივე თქმით, აპლიკაცია მომხამრებლის ორივე ტიპისთვის მნიშვნელოვანი იქნება, რადგან მსურველს შეუძლია მოძებნოს კარგი ტვირთი, როგორც გადამზიდმა და მოძებნოს კარგი გადამზიდი, როგორც ტვირთის გაგზავნის მსურველმა.

STYX აპლიკაცია, როგორც ინოვაციური მიდგომა, მსოფლიო მასშტაბის სტარტაპების კონკურსის Seedstars World–ის ფინალში მონაწილეობდა.




[თაკო ფეიქრიშვილი, ახალციხე]