ახალციხეში გარეგანათების სვეტებს შეცვლიან

ახალციხეში, ქალაქის შემოსასვლელიდან აბასთუმნის გზატკეცილამდე, 282 ახალ სვეტს დაამონტაჟებენ. აღნიშნულის შესახებ საკრებულოს გაფართობულ სხდომაზე ახალციხის მერმა ვლადიმერ ზედგინიძემ განაცხადა.

მისი თქმით, 2017 წელს ადგილობრივი ბიუჯეტიდან, გარეგანათების მოწყობისა და ექსპლუატაციისთვის 250 000 ლარია გათვალიწინებული. ძველი სვეტები კი საშუალებას მისცემთ, გარეგანათება გარეუბნებშიც მოაწყონ.

მერის ეს გადაწყვეტილება გააპროტესტა სამცხე–ჯავახეთის სახელმწიფო უნივერსიტეტის რექტორმა, საკრებულოსთან არსებული საზოგადოებრივი დარბაზის წევრმა მერაბ ბერიძემ: „ცოტა არ მესმის ბოძების ერთი ადგილიდან მეორეზე გადატანა. ყველაფერიმა თავი ბაზრისა და მის გარშემო ტერიტორიაზე მოიყარა, რაც არასამართლიანად მიმაჩნია. ერთნაირად უნდა ვითარდებოდეს ქალაქი. ეს მომენტი, ჩარგვა–გადატანა, არ მოწონს“.

შეგახსენებთ, რომ 2016 წელს ახალციხეში გარე განათების დამონტაჟებისთვის 556 291 ლარი დაიხარჯა. ახალი ბოძები დაიდგა საბარგო სადგურზე, რუსთაველის,ზარზმელის, მებაღიშვილისა და იაძის ქუჩებზე.

ცენტრალურ ქუჩების ნაწილზე გარეგანათების ბოძები შეიცვალა 2015 წელსაც. ნათენაძის, ნებიერიძის, კოსტავას, ფარნავაზ მეფის, სულხან- საბას, კეცხოველისა და დიდიმამიშვილის ქუჩებზე ახალი განთების დამონჯაჟებისთვის 450.821 ლარი დაიხარჯა. ამ შემთხვევაშიც მოჭრილი ბოძების ქალაქის გარეუბნებში დაამონტაჟეს.

[თინათინ ზაზაძე ახალციხე]