მთის ამბები: აკაკი ბერიძის ვიდეობლოგი ჯავახეთიდან [Video]

აკაკი (ნური) ბერიძე. ფოტო: გოგა ჩანადირი, "მთის ამბები".

აკაკი ბერიძე ამბობს, რომ ხულოს რაიონიდან ჯავახეთში 2008 წელს ჩამოასახლეს: "იქ ჩემი სახლი და ეზო მეწყერმა წაიღო. მას შემდეგ აქ, სოფელ გორელოვკაში ვცხოვრობთ".

"რა გვაწუხებს? მიწა ცოტა გვაქვს. წარმოიდგინეთ, აქ ხეხილი არ ხარობს, მოდის მხოლოდ კარტოფილი და კიდევ საქონელი შეიძლება გყავდეს. თუ გაქვს სათიბი, ბალახი, შეგიძლია საქონელი შეინახო. თუ სათიბი არ გაქვს, პირუტყვს ვერ გამოაზამთრებ. ყველას გვაქვს 2-2 ჰექტარი, საიდანაც ამოდის 180 „ტუკი“, მაქსიმუმ 200, თუ კარგი ადგილია. ამით შეგიძლია გამოაზამთრო 2 სული პირუტყვი", – ამბობს იგი.

აკაკი ბერიძეს ერთი სათხოვარი აქვს მთავრობასთან: "არის აქ საშუალება და მიწა რომ მოგვცენ, ვიღაცას წაართვან და ჩვენ მოგვცენ, ამას კი არ ვითხოვთ, არის რეზერვი ადგილები. აქ ზაფხულში კახეთიდანაც ჩამოჰყავთ საქონელი, აზერბაიჯანელებიც მოდიან. იმათზე აქირავებენ მიწებს და ჩვენ სათიბი არ გვაქვს. მიწა რომ გვქონდეს, ხომ უფრო ძლიერად ვიქნებით. როდესაც ძლიერია სახლმწიფოს მცხოვრები, სახელმწიფოც ხომ ძლიერია?!“



აკაკი ბერიძის ვიდეობლოგიგამოცემა "მთის ამბებმა" მოამზადა. ნახეთ მასალა სრულად აქ.

[sknews.ge]