ფოტოკონკურსის 'ჩემი თვალით დანახული ახალციხე' გამარჯვებულები გამოვლინდნენ

პირველი ადგილი თემურ ინასარიძეს ერგო, ფოტოსთვის, რომელზეც ახალციხის ხელოვნური ტბის ღამის ხედია;




ჟიურიმ შეარჩია და დააჯილდოვა ყველაზე ორიგინალური ფოტო, თამარ მეფის ძეგლის ფონზე გადაღებული ახალციხის ციხე, რომლის ავტორი შოთა ნარიმანიშვილია.



„ამ კონკურსმა იმის შანსი მომცა, რომ ჩემი გადაღებული ფოტოები ფართო საზოგადოებისათვის მეჩვენებინა. პირველი ადგილი ჩემთვის ძალიან მნიშვნელოვანია და სტიმული, რომ გავაგრძელებ მსგავს კონკურსებში მონაწილეობას“, -გვითხრა ფოტოკონკურსის გამარჯვებულმა თემურ ინასარიძემ.

ფოტოკონკურსის გამარჯვებულები, ხელოვანებისგან, არქიტექტორებისგან და ფოტოგრაფებისგან დაკომპლექტებულმა ჟიურიმ ადგილზე გამოავლინა.

ფოტოკონკურსი მერიამ მიმდინარე წლის ნომებერში გამოაცხადა. კონკურსზე 19 ნამუშევარი შევიდა. კონკურსში მონაწილეობის მიღება შეეძლოთ როგორც მოყვარულ, ასევე პროფესიონალ ფოტოგრაფებს, 16 წლის ასაკიდან. ფოტოები აუცილებლად ქალაქ ახალციხეში უნდა ყოფილიყო გადაღებული. თემატიკა შეზღუდული არ იყო.

ფოტოკონკურსზე შესული ფოტოები ახალციხის ცენტრალურ ბიბლიოთეკაშია გამოფენილი. ფოტოები ბიბლიოთეკაში 14 იანვრამდე დარჩება და მათი ნახვა ნებისმიერ მსურველს შეეძლება.







[ლუბა გიორგაძე, ახალციხე]