ახალციხის მერია აცხადებს ფოტოკონკურსს - 'ჩემი თვალით დანახული ქალაქი'

მერიის ცნობით, ფოტოები აუცილებლად უნდა იყოს გადაღებული ქალაქ ახალციხეში.

ფოტო უნდა იყოს სხვადასვხა თემატიაზე:

ძველი და ახალი ახალციხე;
ქალაქი ღამით;
ჩემი ქალაქი განსვავებული რაკურსით;
ციდან დანახული ახალციხე;
ეთნიკურ და რელიგიურ თემაზე გადაღებული ფოტო;
რეაბილიტირებული ქალაქი.

კონკურსში მონაწილეეობის მსურველებმა, ფოტოები უნდა გააგზავნონ 15 ნოემბრიდან 5 დეკემბრის ჩათვლით, მისამართზე: marmer8888@gmail.com

ერთ კონკურსანტს შეუძლია გააგზავნოს არაუმეტეს სამი ფოტოსი. წერილში აუცილებლად მითითებული უნდა იყოს, ავტორის გვარი, სახელი და ტელეფონის ნომერი.

როგორც მერიაში განმარტავენ, პირველ ეტაპზე ფოტოებს შეარჩევს ჟიური; შერჩეული ფოტოები დაიბეჭდება და მოეწყობა ფოტო გამოფენა, საიდანაც სამი საუკეთესო ფოტო გამოვლინდება.

გამარჯვებული ფოტოების ავტორები ფასიანი საჩუქრებით დაჯილდოვდებიან. საუკეთესო ფოტოები დაიბეჭდება ქალაქ ახალციხის მერიის კალენდარში.

მერიის ცნობით, ფოტოები შეფასდება შემდეგი კრიტერიუმის მიხედვით

 კონკურსის კონცეფციასთან თანხვედრა;
 შემოქმედებითი ღირებულება;
 ფოტოს ხარისხი (სასურველი მინიმალური რეზოლუცია 1100 X 1600);

 აკრძალულია სხვისი ფოტოს გამოყენება, მსგავსი ფოტოს აღმოჩენის შემთხვევაში ფოტო მოიხსნება კონკურსიდან.

[sknews.ge]