ვალეში გაზიფიცირება შეწყვეტილია

მთავარი → ეკონომიკა 15.02.2013

რატომ შეწყდა გაზიფიცირება ვალეში და როდის განახლდება სამუშაოები.

რატომ შეწყდა გაზიფიცირება ვალეში და როდის განახლდება სამუშაოები.

ვალის მოსახლეობა ამბობს, რომ გასული წლის ოქტომბრის ბოლოს ვალეში გაზიფიცირების სამუშაოები შეჩერდა და ამ დრომდე არ განახლებულა.

- ’სახლებში შემოყვანას ველოდებოდით. გვეგონა, რომ გამრიცხველიანება დაიწყებოდა, მაგრამ 2012 წლის შემოდგომით შეჩერდა, მხოლოდ მთავარი მაგისტრალია გაკეთებული, სახლებში არავის არ გვაქვს’ , -ამბობს ქალაქ ვალის მკვიდრი ირმა აბესაძე.

ადგილობრივები ამბობენ, რომ სამუშაოების გაგრძელებას სოფლის ყველა მცხოვრები ელოდება.

გიორგი გიორგაძე გვეუბნება, რომ ვალეში მცხოვრებლები გაზიფიცირების განახლებას გაზაფხულისთვის ელიან.

გაზიფიცირების სამუშაოებს ვალეში საქართველოს ნავთობისა და გაზის კორპორაცია აწარმოებს. კომპანიაში ამბობენ, რომ
სამცხე-ჯავახეთის რეგიონის გაზიფიცირებას ეტაპობრივად ახორციელებენ.ვალეში გაზიფიცირება ნამდვილად გაგრძელდება, თუმცა როდის, ამ ეტაპზე ძნელი სათქმელია.

[ნუკა სტეფნაძე, ახალციხე]