ვირუსებთან დაკავშირებით სასწავლებლებში პროტოკოლი ამოქმედდება

გრიპის ვირუსის გავრცელებასთან დაკავშირებით ჯანდაცვის სამინისტროში, 13 დეკემბერს სპეციალური ბრიფინგი გაიმართა. მინისტრ დავით სერგეენკოს განცხადებით, საქმე ეპიდემიასთან არ გვაქვს.

"ყოველდღიური შეტყობინების საფუძველზე, თუკი ბავშვების არდასწრება 40%-ს აღემატება, ასეთი დაწესებულება დაიკეტება 3 დღის განმავლობაში”,- განაცხადა მინისტრმა დავით სერგეენკომ.

მინისტრი მოსახლეობას მოუწოდებს, რომ გრიპის სიმპტომებისას სასწრაფოს ნაცვლად, ოჯახის ექიმს მიმართონ.

როგორც ჯანდაცვის მინისტრი დავით სერგეენკო განმარტავს, ამ დროისათვის 254 დაავადებული ფიქსირდება. თუმცა იმის გამო, რომ მიმართვიანობა სასწრაფო დახმარების სამსხურებში გაიზარდა, პროტოკოლი ამოქმედდება. შეიქმნება ახალი სადისპეტჩერო, რომელზეც გრიპის ჩივილების მქონე გამოძახებები გადამისამართდება და ამ დაავადებების მართვას ოჯახის ექიმები განახორციელებენ. ასევე გაიხსნება დამატებითი საოჯახო ცენტრები.

[sknews.ge]