დაბა ასპინძაში შიდა გზების რეაბილიტაცია მიმდინარეობს

ასპინძაში, ჭავჭავაძის, ტაბიძის, მარჯანიშვილის, გოგებაშვილისა და გორგასლის ქუჩებზე ასფალტო-ბეტონის საფარი დაიგება. მათი საერთო სიგრძე ორ კილომეტრს შეადგენს.

სამცხე–ჯავახეთის გუბერნიის ინფორმაციით, გაერთიანებული წყალმომარაგების კომპანია, გოგებაშვილის ქუჩაზე ახალი წყალსადენი სისტემის რეაბილიტაციასაც ახორციელებს.

რაც შეეხება, ვაჟა–ფშაველას, ყაზბეგის, დედაენისა და ერეკლე II-ის ქუჩებს, ადგილობრივ თვითმმართველობაში ამბობენ, რომ აქ ინფრასტრუქტურული სამუშაოები უახლოეს დღეებში დაიწყება. ასფალტ-ბეტონის საფარი 1 525 მეტრი სიგრძის გზაზე დაიგება.

დაბა ასპინძაში სამუშაოების მიმდინარეობის პროცესს, სამცხე-ჯავახეთის გუბერნატორი კახა სამხარაძე, ასპინძის მუნიციპალიტეტის მერთან როსტომ მაგრაქველიძესთან ერთად, ადგილზე გაეცნო.

[sknews.ge]