ბორჯომში სანიაღვრე ქსელების რეაბილიტაცია მიმდინარეობს

ბორჯომის მუნიციპალიტეტის გამგეობის ინფორმაციით, სამუშაოები სოფელ ყვიბისის სანიაღვრე ქსელის 7 მონაკვეთზეა გათვალისწინებული.

სოფელში სანიაღვრეე სისტემა დიდი ხნის განმავლობაში მოუწესრიგებელი იყო, რაც გზის სავალ ნაწილზე წყლის გადმოდინებას და მის დაზიანებას იწვევდა.

პროექტის ფარგლებში არსებულ მონაკვეთებზე მოეწყობა ბეტონის არხები, ეზოების შესასვლელებში და გზის გადაკვეთაზე კი ცხაურები.

პარალელურად სამუშაოები მიმდინარეობს დაბა წაღვერში თორელის ქუჩაზე, სადაც სრულიად ახალი ქსელი მოეწყობა.

რამდენიმე დღის წინ კი სანიაღვრეების რეაბილიტაცია დასრულდა ქალაქ ბორჯომში რუსთაველის ქ. №119-ში, ერეკლეს, ქეთევან წამებულის, კოსტავასა და რობაქიძის ქუჩებზე.


[sknews.ge]