„ხმა აიმაღლე სხვისი უფლებებისათვის დღეს"- საინფორმაციო კამპანია ახალციხეში [Photo]

"მოვუწოდებთ მოსახლეობას, ჩვენს თანამოქალაქეებს, რომ აიმაღლონ ხმა სხვისი უფლებების დასაცავად. ეს დღე ყოველწლიურად გრანდიოზულად აღინიშნება სხვადასხვა აქტივობებით. სახალხო დამცველის აპარატი აღნიშნულ დღეს სწორედ ამ აქტივობით შეუერთდა",- განაცხადა სახალხო დამცველის წარმომადგენელმა სამცხე-ჯავახეთში სალომე ყულჯანიშვილმა.

საინფორმაციო კამპანია სახალხო დამცველის აპარატის წარმომადგენლების ორგანიზებით ახალციხის ცენტრალურ პარკში 15:00 საათისთვის გაიმართა.

მსგავსი აქტივობა ქვეყნის მასშტაბით ცხრა დიდ ქალაქში ჩატარდა.

შეგახსენებთ, რომ ადამიანის უფლებათა დაცვის საერთაშორისო დღე 10 დეკემბერს ყოველწიურად აღინიშნე­ბა. სწორედ ამ დღეს, 1948 წლის 10 დეკემბერს, გაერთიანებული ერების ორგანიზაციის წევრ­მა ქვეყნებმა შექმნეს უმნიშვნე­ლოვანესი დოკუმენტი „ადა­მიანის უფლებათა საყოველთაო დეკლარაციის“ სახით. გაერომ 10 დეკემბერი ადამიანისუფლებების დაცვის დღედ 1950 წელს გამოაცხადა.









[თინათინ ზაზაძე, ახალციხე]