სამცხე–ჯავახეთს მინისტრთა კაბინეტი სტუმრობს

მინისტრთა კაბინეტის სტუმრობის მიზანი საზოგადოებისთვის რეგიონის განვითარების გეგმის წარდგენაა. შეხვედრა სამცხე–ჯავახეთის სამხარეო ადმინისტრაციის შენობაში, რამდენიმე წუთის წინ დაიწყო.

პრემიერმა ბოლო პერიოდში ქვეყანაში განხორციელებული სახელმწიფო პროგრამების შესახებ ისაუბრა. ამ წუთებში კი რეგიონის ეკონომიკური განვითარების გეგმას შეკრებილებს ეკონომიკის მინისტრი აცნობს.

პრემიერთან ერთად რეგიონში იმყოფებიან, საქართველოს ეკონომიკისა და მდგრადი განვითარების მინისტრი გიორგი კვირიკაშვილი, გარემოსა და ბუნებრივი რესურსების დაცვის მინისტრი ელგუჯა ხოკრიშვილი, რეგიონული განვითარებისა და ინფრასტრუქტურის მინისტრი დავით შავლიაშვილი, ენერგეტიკის მინისტრი კახა კალაძე, სოფლის მეურნეობის მინისტრი ოთარ დანელია და ფინანსთა მინისტრი ნოდარ ხადური.

შეხვედრას რეგიონის მუნიციპალიტეტების ხელმძღვანელები, ადგილობრივი ბიზნესმენები და საზოგადოების წარმომადგენლები ესწრებიან.



[sknews.ge]