დღეს ახალციხის თემის ბიუჯეტის საჯარო განხილვა გაიმართება

შეგახსენებთ, გამგეობებმა საკრებულოებს პროექტები განსახილველად 15 ნოემბერს გადაუგზავნეს.

მესხეთის მასშტაბით, ამ დროის მონაცემებით, ბიუჯეტში ყველაზე მეტი თანხა, – 14.000.700 ლარი, ბორჯომის მუნიციპალიტეტს აქვს; ყველაზე ნაკლები, – 3.000.550 ლარი, კი ასპინძას;

ადიგენის მუნიციპალიტეტის 2017 წლის ბიუჯეტის პროექტი 4.171.900 ლარით განისაზღვრა; ქალაქ ახალციხის – 7.908.000 ლარით; ახალციხის მუნიციპალიტეტის ბიუჯეტი კი, პროექტის მიხედვით, 6.320.000 ლარია.

ბიუჯეტის პროექტის განხილვა ახალციხის მუნიციპალიტეტის ადმინისტრაციული შენობის პირველ სართულზე, საკონფერენციო დარბაზში მოეწყობა, მისამართზე, ქალაქი ახალციხე, შალვა ახალციხელის №2.

განხილვაზე დასწრება ნებისმიერ მოქალაქეს შეუძლია.

[sknews.ge]