ადიგენელი მუსლიმები: მშვიდობა გვინდა რაც მთავარია [Video]

N15 ჭეჭლისა და N11-ე მოხის საარჩევნო უბნებზე საარჩევნო პროცესი მშვიდ ვითარებაშ მიმდინარეობს. აქ მთლიანობაში ხმას 1 300-მდე ამომრჩეველი აძლევს. მათი უმრავლესობა მუსლიმია.

ამომრჩევლებს, არჩევნების შემდეგ, ყველაზე მეტად რელიგიური კონფლიქტების მოგვარება სურთ. მათ იმედი აქვთ, რომ ორი აღმსარებლობის მცხოვრებლებს შორის ურთიერთობა დარეგულირდება და ამას ხელს მათ მიერ არჩეული კანდიდატი შეუწყობს.

უბანზე მისული ამომრჩევლები აცხადებენ, რომ ხმა მეორე ტურშიც ისევ იმ კანდიდატს მისცეს, ვისზეც არჩევანი 8 ოქტომბერს შეაჩერეს.

შეგახსენებთ, რომ პირველ ტურში უმცირესობებით დასახლებულ სოფლებში ხმათა უმრვლესობა "ნაციონალებმა" მიიღეს. ამ ეტაპზე, ორივე უბანზე ამომრჩეველთა მაღალი აქტივობაა.



[თაკო ფეიქრიშვილი, გიორგი ლონდარიძე, ადიგენი]