მოხეს სადავო შენობის საკითხზე კომისია ახალციხეში იმსჯელებს

ამის შესახებ რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ განაცხადა.

„ზუსტი დრო შეთანხმდება კომისიის წევრებთან და გაცნობებთ“, – ამბობს ვაშაყმაძე.

შეკითხვაზე, ამ ხნის განმავლობაში რა გააკეთა კომისიამ და რატომ ვერ დადო დასკვნა, ვაშაყმაძე გვაპსუხობს: „ამაზე პასუხი არსებობს, მაგრამ მოკლედ ვერ გიპასუხებთ, მოვიძიებ და გეტყვით“.

როგორც მან 17 ოქტომბერს, ბრიფინგზე განაცხადა, კომისიის მუშაობის მთავარი მიღწევა ისაა, რომ მოხეში ადგილობრივებს შორის კომუნიკაცია აღდგა.

“ის, რომ მოხეში არ არის დაძაბული სიტუაცია, ის, რომ მეზობლებს შორის არსებობს ურთიერთიბა, ის, რომ დიალოგი არსებობს, როგორც რელიგიურ დონეზე – მუფტსა და მეუფეს შორის, ისე სამხარეო ადმინისტრაციების დონეზე, ასვეე მრევლს, მუსლიმ თემსა და მართლმადიდებელ მოსახლეობას შორის, მათ შორის რომ არ არის დაძაბულობა, მათ შორის რომ არ არის პრობლემა, ერთმანეთს ქვას რომ არ ესვრიან, დიალოგი რომ არის და ჭირი და ლხინი ჩვეულებრვი რეჟიმში რომ არის გადასული, როგორც კონფლიქტამდე არსებობდა, ეს პატარა შედეგია?“ – კითხულობს ვაშაყმაძე.

შეგახსენებთ, მოხეში მცხოვრებმა მუსლიმებმა იმ სადავო შენობაში დაიწყეს ლოცვა, რომელის წარმომავლბის საკითხიც სახელმწიფო კომისიას ჯერ არ შეუსწავლია. ხუთდღიანი ლოცვის შემდეგ, სამართალდამცავებმა სადავო შენობას კარი აუჭედეს და ამკრძალავი ლენტი შემოავლეს. დღემდე მუსლიმები სადავო შენობის გარეთ ლოცულობენ. სოფელში მუსლიმი და ქრისტიანი თემიც კომისიის გადაწყვეტილებას ელოდება.

[თამუნა უჩიძე, ახალციხე]