მუნიციპალური განვითარების ფონდი ბორჯომში მასშტაბური პროექტებს განხორციელებას გეგმავს

ჯუანშერ ბურჭულაძის განმარტებით უახლოეს მომავალში დასრულდება წაღვერი-ლიკანის წყალსადენის ქსელის მოწყობა, რომელიც მოსახლეობას სუფთა სასმელი წყლით უზრუნველყოფს.

შეხვედრაზე საუბარი შეეხო ასევე ბაკურიანის ინფრასტრუქტურის განვითარების საკითხს და იმ სამომავლო პროექტებს, რომლებიც ფონდის მიერ ადგილობრივ თვითმმართველობაში იქნება განხორციელებული.

„იქიდან გამომდინარე, რომ ბაკურიანი საკურორტო ზონაა, უმნიშვნელოვანესია ტურისტებს ყველანაირი პირობა ჰქონდეს შექმნილი დასვენებისათვის. პრიორიტეტად ბაკურიანში კვლავ რჩება გზების კეთილმოწყობის საკითხი. სასიხარულოა, რომ უახლოეს მომავალში დაიწყება ბაკურიანში 12 ქუჩისა და 4 საფეხმავლო გზის რეაბილიტაცია. ეს გარდამავლი პროექტი იქნება, სამუშაოები წელს დაიწყება და მომავალ წელს გაგრძელდება“- განაცხადა ჯუანშერ ბურჭულაძემ.

მისი თქმით, ფონდი სამომავლოდ ბაკურიანის პარკის მოწყობას, ბორჯომის მხარეთმცოდნეობის მუზეუმის რეაბილიტაციას, რომანოვების სასახლის პროექტირება-რეაბილიტაციას, ცენტრალური-ისტორიული პარკის განვითარების პროექტის შემუშავებას და ისტორიულ პარკთან დამაკავშირებელი ბილიკის მოწყობას დააფინანსებს.

შეხვედრას ბორჯომის მუნიციპალიტეტის გამგებელი დიმიტრი ყიფიანი და გამგებლის პირველი მოადგილე ანზორ სვანიძე, მუნიციპალიტეტის თანამშრომლები და ადმინისტრაციული ერთეულების წარმომადგენლები ესწრებოდნენ.

წყარო:ბორჯომის მუნიციპალიტეტი.

[sknews.ge]