ახალციხეში ჯერ მხოლოდ „ქართული ოცნების“ პლაკატებია გაკრული

ახალციხის ქუჩებში 10 სექტემბრის მდგომარეობით, „ქართული ოცნების“ სააგიტაციო მასალა ჭარბობს; ქალაქში დაახლოებით 33 ადგილზე, ახალციხე–ადიგენის ოლქში „ქართული ოცნების“ მაჟორიტარი დეპუტატობის კანდიდატის გიორგი კოპაძის 1000–მდე პლაკატია გაკრული;

კოპაძის წინასაარჩევნო მასალებს ვხვდებით, როგორც ქალაქის მერიის მიერ გაწერილ ადგილებსა და ღობეებზე, ასევე კერძო ობიექტებსა და სახლებზე;
გარდა პლაკატებისა, ქალაქში გიორგი კოპაძის სამი დიდი ბანერიცაა გაკრული;

„ქართული ოცნების“ გარდა ქალაქში მხოლოდ „ნაციონალური მოძრაობის“ წინასაარჩევნო ბანერებს ვხვდებით. ასეთი მხოლოდ ორია ქალაქში და აქედან ერთი, „ნაციონალური მოძრაობის“ ახალციხის ოფისზეა გაკრული.



[sknews.ge]