ახალციხეში „ზებრა“ გადასასვლელები მოხატეს [Photo]

როგორც „სამხრეთის კარიბჭემ“ გაარკვია, გადასასვლელები გუშინ, გვიან ღამით, „ქართული ოცნების“ ახალგაზრდა აქტივისტებმა მოხატეს. ამისთვის ხარჯები მაჟორიტარი დეპუტატობის კანდიდატმა გაიღო.

„გვინდა, რომ ჩვენი ქალაქის გალამაზებაში წვლილი შევიტანოთ. ასევე, დავამკვიდროთ ზებრა გადასასვლელით სარგებლობის კულტურა“, - გვითხრა, „ქართული ოცნების“ ახალციხის ახალგაზრდული ორგანიზაციის თავმჯდომარემ გიორგი ცუხიშვილმა.

ქალაქის ორი ცენტრალური ქუჩის გადასასვლელებზე, „ქართული ოცნების“ ახალგაზრდული ორგანიზაციის წევრებმა, მწვანე ფონზე გვირილები და ზღვის ტალღებზე მზე, ასევე პალმები მოხატეს.

როგორც გიორგი ცუხიშვილი აცხადებს, გადასასვლელების მოსახატად საღებავები, ახალციხე-ადიგენის ოლქში დეპუტატობის კანდიდატის, გიორგი კოპაძის დაფინანსებით შეიძინეს.



[ლუბა გიორგაძე, ახალციხე]