‘ნაცმოძრაობა’: უბანზე მდივნად არჩეული ‘ნაციონალი’ ‘ოცნების’ ზეწოლის შემდეგ შეცვალეს

ეს საკითხი პარტიის რაიონულ ორგანიზაციაში დღეს, 9 სექტემბერს, სპციალურ ბრიფინგზე გაახმოვანეს.

„ნაციონალური მოძრაობის“ ახალციხის შტაბის ხელმძღვანელის გელა დემეტრაძის განცხადებით, გუშინ, 8 ოქტომბერს N20 სვირის საუბნო საარჩევნო კომისიის მდივნად „ერთიანი ნაციონალური მოძრაობის“ წარმომადგენელი ნათელა ბიბილუარი აირჩიეს.

მისივე თქმით, შესაბამისად ოქმი ხელმოწერებით დადასტურდა. თუმცა, სამუშაო დღის დასრულების შემდეგ, მოვლენები სხვაგვარად განვითარდა.

„სვირში მივიდნენ ახალციხის საოლქო კომისიის წარმომადგენლები, მათ თან ახლდა „ქართული ოცნების“ ახალციხის შტაბის ხელძღვანელი გიორგი გვარამაძე. გვარამაძემ ბიბილურს რამდენჯერმე მოუწოდა, რომ მდივნობაზე უარი ეთქვა, თუმცა ბიბილუარისგან უარი მიიღო. ასევე ეცადა სვირის საუბნო კომისიის თავმჯდომარეზე მოეხდინა ზეწოლა. საბოლოოდ თავმჯდომარე ჩამოიყვანა ახალციხის საოლქო კომისიაში, სადაც შედგა ახალი ოქმი და სვირში მდივნად დანიშნეს ვინმე ეკა ხალაძე“, – განაცხადა გელა დემეტრაძემ.

რა მოხდა გუშინ სვირის საარჩევნო უბანზე, დეტალებს „სამხრეთის კარიჭე“ არკვევს. თვალი ადევნეთ ვებგვერდს.

[ვარლამ წიკლაური, ახალციხე]