ახალციხის გამგებელი სკოლებში შეხვედრებს მართავს

ხითარიშვილი სკოლაში არსებული მდგომარეობას პირადად გაეცნო და როგორც თავად განაცხადა მსგავსი ხასიათის შეხვედრებს მუნიციპალიტეტის ყველა საჯარო სკოლაში მოაწყობს.

მისი თქმით, ადგილობრივი ხელისუფლებისთვის პრიორიტეტი მოსწავლეების განათლება და მათთან არსებული პრობლემების განხილვაა: ”როდესაც ხელისუფლება იცვლება, ვალდებულებას იღებს, რომ არსებული პრობლემები, რომელიც კონკრეტულად მის დაქვემდებარებულ ადმინისტრაციულ ერთეულშია გაეცნოს პირადად, ყველაზე კარგი მდგომარეობა ამ სკოლაშია და ეს სკოლის დირექციის დამსახურებაა” .

ხუთარიშვიილ ამბობს, რომ სკოლის ერთ-ერთი ძირითადი პრობლემა საწვავია: ”არ ჰქონდათ სახსრები რომ საწვავი მთლიანად შეეძინათ. ასევე გვთხოვეს დახმარება სპორტულ ინვენტართან დაკავშირებითაც”

შეხვედრაზე გამგებელმა სკოლაში ექთნის შტატის აღდგენაზე და მაღალმთიანი რეგიონის სტატუსის დაბრუნებაზეც ისაუბრა. მისი თქმით, სკოლამდელ დაწესებულებსა და სკოლებში ექთანის ყოლის აუცილებელია: ”ბავშვები არიან, შეიძლება რამე დაიზიანონ ყოველწუთში საავადმყოფოდან ექთანის გამოძახებას, ჯობია ადგილზე იყოს კომპეტენტური და პროფესიონალი პირი, რომელიც ბავშვს დახმარებას აღმოუჩენს”.

მაღალმთიანი რეგონის სტატუსის დაბრუნების საკითხი მუნიციპალიტეტის გამგეობაში აქტიურად განიხილება. ხითარიშვილი ამბობს, რომ საკითხის დადებითად გადაწყვეტის შემთხვევაში, შეღავათები მოსახლეობის ჯიბეზე დადებითად აისახება: ”მაღალმთიანი რაიონები შეღავათებით სარგებლობენ, საშემოსვალო გადასახადებს არ იხდიან, ახალციხის სოფლების დიდი ნაწილი მაღალმთიანია, ამდენად პარლამენტში ამ საკითხის დადებითად გადაწყვეტის შანსი გვაქვს”.

მსგავს შეხვედრებს გამგებელი მუნიციპალიტეტის ყველა სკოლაში გამართავს.

[თინათინ ზაზაძე, ახალციხე]