„თავისუფალმა დემოკრატებმა“ ახალციხე – ადიგენის დეპუტატობის კანდიდატი დაასახელეს

შალვა გოგოლაძის წარდგენა დღეს, 6 სექტემებრს, თბილისში, პარტიის ცენტრალურ ოფისში შედგა.

„შემოთავაზება მივიღე და გადავწყვიტე, რომ ვიბრძოლო. ვთვლი, რომ მე ერთ–ერთი რეალური კანდიდატი ვარ“, –განაცხადა პარტია „თავისუფალი დემოკრატების“ ახალციხე – ადიგენის მაჟორიტარობის კანდიდატმა, შალვა გოგოლაძემ.

მისი თქმით, წინასაარჩევნო კამპანიას უახლოეს დღეებში დაიწყებს.

შეგახსენებთ, რომ შალვა გოგოლაძე, 2014 წლიდან ქალაქის ახალციხის მერიის საკრებულოს წევრია პარტია ,,თავისუფალი დემოკრატებიდან“. იგი იურიდულ საკითხთა კომისიას ხელმძღვანელობს.


[ვარლამ წიკლაური, ახალციხე]