სამცხე–ჯავახეთის უნივერსიტეტმა სწავლა საზეიმო მიღების გარეშე დაიწყო

საზეიმო მიღება უნივერსიტეტში იმის გამო არ შედგა, რომ მესამე თვეა სასწავლებელს არც რექტორი ჰყავს და არც რექტორის მოვალეობის შემსრულებელი.

„სტუდენტებს ფაკულტეტებზე დეკანები შეხვდებიან. საზეიმო მიღება არ ყოფილა, რადგან რექტორი არ გვყავს“, – ამბობს აცხადებს უნივერსიტეტის რექტორის მოადგილე სასწავლო მიმართულებაში ნიკოლოზ ახალკაცი.

შეგახსენებთ, რომ სამცხე–ჯავახეთის სახელმწიფო უნივერსიტეტმა წელს 371 ახალგაზრდა მიიღო, – 208 საბაკალავრო პროგრამებზე, 97არაქართულენოვანი სტუდენტი მოსამზადებელზე და გარდა ამისა, უკვე პირველ კურსზე ჩაირიცხა ის 66 არაქართულენოვანი ახალგაზრდა, რომლებმაც ერთწლიანი მოსამზადებელი კურსი უკვე გაიარეს.

ასევე შეგახსენებთ, რომ სამცხე–ჯავახეთის უნივერსიტეტი სამართლებრივ ჩიხში შევიდა, სასწავლებელი ხელმძღვანელის გარეშე გაურკვეველი ვადით 3 ივლისიდან დარჩა.







[თამუნა უჩიძე, ახალციხე]