ასპინძაში მაღალმთიან დასახლებაში მცხოვრების სტატუსი 7.930 პირს აქვს

ადმინისტრაციული სამსახურის განყოფილების უფროსის ლელა მურადაშვილის განმარტებით, პირველ ეტაპზე სტატუსი ავტომატურად 6.980 პირს მიენიჭა.

მისი თქმით, პარალელურად მიმდინარეობს ახალი განცხადებების განხილვა: „ამ ეტაპზე 17 განცხადებაა განსახილველი. მათ ვინც მოგვმართა, სტატუსი ყველა მოქალაქეს მიენიჭა, ზოგს ხარვეზები ჰქონდა დოკუმენტებში და გამოასწორა“.

შეგახსენებთ, რომ ასპინძის მუნიციპალიტეტში მაღალმთიანი დასახლების სტატუსი დაბა ასპინძას და 23 სოფელს აქვს. სტატუსის გარეშეა დარჩენილი ხერთვისი და რუსთავი.

[თინათინ ზაზაძე, ასპინძა]