სამცხე-ჯავახეთის სატყეო-სამმართველოს ახალი უფროსი ჰყავს

კირცხალიამ აღნიშნულ თანამდებობაზე ფრიდონ ტაბატაძე ჩაანაცვლა. ტაბატაძე იმის შესახებ, დატოვა თუ დაატოვებინეს თანამდებობა, არ საუბრობს: ”აღარ ვარ სატყეოს უფროსი და ხომ მაქვს უფლება, რომ კითხვებზე აღარ გიპასუხოთ?!”

კირცხალიამ აღნიშნული პოსტი 10 იანვრიდან დაიკავა: ”ვაკანსია გამოცხადდა, შევიტანე განაცხადი და დააკმაყოფილეს”.

ვიქტორ კირცხალია ოჩამჩირეში დაიბადა, ამავე ქალაქში სკოლა 1990 წელს დაამთავრა. იმავე წელს ჩაირიცხა საქართველოს ტექნიკურ უნივერსიტეტში. პარალელურად, მუშაობდა ვაკე-საბურთალოს რაიონში პოლიციაში, ამიტომ გადაწყვიტა განათლება იურიდიული მიმართულებითაც მიეღო და სახელმწიფო უნვიერსიტეტში იურიდიულ ფაკულტეტზე ჩაირიცხა. აქ სწავლა 2002 წელს დაამთავრა. 2005 წელს, როდესაც გარემოს დაცვის ინსპექცია შეიქმნა მუშაობა სამეგრელო ზემო-სვანეთის ბიუროში სწრაფი რეაგირების განყოფილების უფროსად დაიწყო. აქ სამ წელს დარჩა, შემდეგ კი ქვემო ქართლში სატყეო-სამმართველოს მონიტორინგის უფროსად დაინიშნა, ბოლოს კომპანია ”ბი-პი”-ში მუშობდა.

კირცხალია ამბობს, რომ პოლიტიკასთან შეხება არასდროს ჰქონია, შესაბამისად არც ”ქართულ ოცნებასთან” ასოცირდებოდა. უფრო მეტიც, აქამდე არჩევნებში მონაწილეობაც არ მიუღია: ”გასული წლის ოქტომბერში პირველი შემთხვევა იყო, რომ არჩევნებზე მივედი. ხმა საქართველოს უკეთეს მომავლს მივეცი და გამიმართლა კიდეც”.

ამბობს, რომ სამცხე-ჯავახეთი უკანონო ჭრების თვალსაზრისით რთული რეგიონია: ”თუმცა ამ მხრივ არანაკლებ რთულ რეგიონში მიმუშავია და ვფიქრობ საქმეს თავს აქაც წარმატებით გავართმევ”.

კირცხალიას განცხადბით, მას შემდეგ რაც უფროსად დაინიშნა სატყეო სამმართველოში საკადრო ცვლილებები არ განხორციელებულა და არც იგეგმება: ”აქ ძველი მეტყევეები და კვალიფიციური კადრები არიან. კატეგორიული წინააღმდეგი ვარ, როდესაც ახალი უფროსი მოდის და თანამშრომლებს ათავისულფებენ სამსახურიდან”.

[თამუნა უჩიძე, ახალციხე]