ახალციხეში ნაგვის ახალი ურნა დაიწვა

შემთხვევა, დაახლოებით, 13:00 საათზე მოხდა. როგორც ადგილობრივები ამბობენ, ურნა უცებ აალდა და ცეცხლი ახლოს მდებარე მშენებლობაზე დასაქმებულმა მუშებმა ჩააქრეს: „შესაძლოა ვინმემ რაიმე ცეცხლმოკიდებული ნივთი ჩააგდო და ცეცხლი იმიტომ მოედო“.

ადგილზე მობილიზებულია საპატრულო პოლიცია და სახანძრო მანქანები.

როგორც ახალციხის კეთილმოწყობის სამსახურის უფროსი კობა კურტანიძე ამბობს, მას შემდეგ რაც ქალაქში პლასტმასის ურნები დადგეს აღნიშნული შემთხვევა პირველად მოხდა. „აქამდე არასდროს დამწვარა ურნა. დამწვარს ახლით ჩავანაცვლებთ“.

რეგიონული განვითარებისა და ინფრასტრუქტურის სამინისტროს მყარი ნარჩენების მართვის კომპანიამ სამცხე-ჯავახეთს ევროსტანდარტების შესაბამის 1100 ურნას გადასცა. რეგიონის მუნიციპალიტეტებში ახალი ურნები დაახლოებით ერთი თვეა რაც განთავსდა.





[მარიამ ბარძიმაძე, ახალციხე]