9 აგვისტომდე ბორჯომის პარკში შესვლა უფასო იქნება

ამ გადაწყვეტილების შესახებ ინფორმაციას პარკის ადმინისტრაცია, ფეისბუქის გვერდზე ავრცელებს.

„პარკის ადმინისტრაცია მადლობას უხდის სამცხე-ჯავახეთის გუბერნატორს - აკაკი მაჭუტაძეს, ბორჯომის მაჟორიტარ დეპუტატს - გედევან ფოფხაძეს, ბორჯომის მუნიციპალიტეტის გამგებელს - დიმიტრი ყიფიანს, ეროვნული სატყეო სააგენტოს, გარემოსდაცვის ზედამხედველობის დეპარტამენტს, ბორჯომის მუნიციპალიტეტის და საკრებულოს თანამშრომლებს, მოხალისეებს, პარკის ადმინისტრაციის თანამშრომლებს გვერდში დგომისა და თანადგომისთვის“, – ნათქვამია განცხადებაში.

ამავე განცხადებაში ვკითხულობთ, რომ ადმინისტრაციის გადაწყვეტილებთ მოქალაქეებისთვის ბორჯომის ცენტრალურ (ისტორიული) პარკში შესვლა 9 აგვისტომდე უფასოა.

შეგახსენებთ, 4 აგვისტოს ბორჯომში ძლიერი წვიმა და სეტყვა იყო. დაიტბორა ქუჩები, მაღაზიები, აფთიაქები და საცხოვრებელი სახლები. ყველაზე მეტად დაზარალდა ბორჯომის ისტორიული პარკი. ძლიერმა ქარმა ასწლოვანი ხეები მოგლიჯა და პარკის ინფტარსტრუქტურა დააზიანა.

[თინათინ ზაზაძე, ბორჯომი]