'გირჩი', გიორგი ვაშაძის 'ახალი საქართველო' და 'ახალი მემარჯვენეები' ერთ ბლოკად გაერთიანდნენ

ფოტო: ნეტგაზეთი

როგორც პარტიების ლიდერები აცხადებენ, საქართველოს ეკონომიკოს განვითარების საერთო ხედვა, საგარეო კურსი, პროდასავლური არჩევანი, ინოვაციური იდეები და საერთო გეგმები - ის არასრული ჩამონათვალია, რაც მათ პოლიტიკურ ძალებს აერთიანებთ.

ლიდერებს მიაჩნიათ, რომ რესურსების შეჯერებით, ახალი ბლოკი გახდება მეტად კონკურენტუნარული და ისინი შეძლებენ საზოგადოებას აჩვენონ შედეგი, რომელსაც მოსახლეობა ელის.

მათი აზრით, წინასაარჩევნო მარათონში მნიშვნელოვანია გამოცდილი ადამიანების გუნდური მუშაობა, რაც ახალ გაერთიანებას უფრო კონკურენტუნარიანს გახდის და წარმატებასაც მოუტანს.

ახალი პოლიტიკური ბლოკის პრეზენტაცია „სამოქალაქო პლატფორმა- ახალი საქართველო”-ს ლიდერმა გიორგი ვაშაძემ, ახალი პოლიტიკური ცენტრი „გირჩი“-ს ლიდერმა ზურაბ ჯაფარიძემ და პარტია „ახალი მემარჯვენეების“ თავმჯდომარემ მამუკა კაციტაძემ გამართეს.

[sknews.ge]