არაქართულენოვანი მასწავლებლებისთვის საგნობრივი ტრენინგები მშობლიურ ენაზე დაიწყო

მასწავლებელთა პროფესიული განვითარების ეროვნული ცენტრის ინფორმაციით, პირველი ეტაპზე ტრენინგები ქვემო ქართლში, ფიზიკისა და ისტორიის სწავლების მეთოდიკაში ჩატარდა. ტრენინგები მასწავლებლებისთვის მშობლიურ ენაზე ტარდება. ამ მიზნით, ცენტრმა, რამდენიმე თვის წინ, კონკურსის წესით შეარჩია ეროვნული სასწავლო გეგმით გათვალისწინებული საგნების აზერბაიჯანულ, რუსულ და სომხურენოვანი ტრენერები, გარდა ამისა, სპეციალურად შემუშავდა და დამტკიცდა ტრენინგ-მოდულები, რომლებიც სამივე ენაზე ითარგმნა.

"ამ ეტაპზე ტრენინგებში 40-მდე მასწავლებელი მონაწილეობს. ახალი სასწავლო წლიდან კი ტრენინგის გავლის მსურველთა რაოდენობა არსებითად გაიზრდება", – აცხადებენ მასწავლებელთა პროფესიული განვითარების ეროვნულ ცენტრში.

[sknews.ge]