მასწავლებლებისთვის საგნობრივ ტრენინგებზე რეგისტრაცია 5 ივლისამდე გაგრძელდა

მასწავლებლებს შესაძლებლობა ეძლევათ ტრენინგები გაიარონ ეროვნული სასწავლო გეგმით გათვალისწინებულ 16 საგანში.

მასწავლებლები პროგრამის ფარგლებში, საგნების მიხედვით გაივლიან სწავლების მეთოდიკას და სტრატეგიებს, ასევე მოსწავლეთა შეფასებისა და გაკვეთილის დაგეგმვის საკითხებს.

ცენტრი დაინტერესებულ პირებს საშუალებას აძლევს, თავად აირჩიონ ტრენინგის გავლისთვის სასურველი ტერიტორიული ერთეული. დარეგისტრირებულ კანდიდატს ეცნობება კურსის ჩატარების ზუსტი დრო.

საჯარო სკოლის მოქმედ მასწავლებლებს, რომლებსაც აღნიშნული ტრენინგი არ გაუვლიათ, სწავლება დაუფინანსდებათ, სხვა დაინტერესებული პირებისთვის კი ტრენინგი ფასიანია.

პედაგოგებს სააპლიკაციო ფორმის შევსება მასწავლებელთა პროფესიული განვითარების ცენტრის ოფიციალურ ვებგვერდზე შეუძლიათ.

[sknews.ge]