NDI: უმრავლესობის აზრით 20 ივნისის ღამით ძალადობაზე პასუხისმგებელი ხელისუფლებაა

კვლევის მიხედვით, 68%-ის აზრით, ხელისუფლებამ გადამეტებული ძალა გამოიყენა საპროტესტო აქტიების მონაწილეთა დასაშლელად, ხოლო 22% მიიჩნევს, რომ ხელისუფლებამ სათანადო ძალა გამოიყენა.

კითხვაზე, თუ გადამეტებული ძალა იქნა გამოყენებული, თქვენი აზრით, გატარდა თუ არ გატარდა სათანადო ღონისძიებები მათ მიმართ, ვინც გადამეტებული ძალა გამოიყენა? 71 % მიიჩნნევს, რომ სათანადო ღონისძიებები არ გატარდა.

გამოკითხულთა 68%-მა იცოდა, რომ დემონსტრაციების შემდეგ, „ქართული ოცნება“ დათანხმდა საპროტესტო აქციის მონაწილეების ერთ-ერთ მოთხოვნას, რომ 2020 წლის საპარლამენტო არჩევნები პროპორციული წესით ჩატარებულიყო.

აქციის მონაწილეების კიდევ ერთ მოთხოვნას, რომელიც შს მინისტრის გიორგი გახარიას გადადგომას ეხებოდა, გამოკითხულთა 46% ეთანხმება, ხოლო 39% მიიჩნევს, რომ მინისტრი არ უნდა გადამდგარიყო.

საერთო ჯამში, გამოკითხულთა 59%-მა ცუდად ან ძალიან ცუდად აფასებს მთავრობის პასუხს 20 ივნისის მოვლენებზე და შემდგომ საპროტესტო აქციებს.

[sknews.ge]