გამოკითხულთა 48% მიიჩნევს, რომ 2014 წლის შემდეგ ახალციხეში საცხოვრებელი პირობები გაუარესდა

ასეთია ეროვნულ დემოკრატიული ინსტიტუტის NDI-ს მიერ ჩატარებული უახლესი კვლევის შედეგები, რომელიც დღეს გასაჯაროვდა.

საქართველოს თვითმმართველ ქალაქებს შორის, საცხოვრებელი პირობების შეფასებას ყველაზე მაღალი მაჩვენებელი ოზურგეთში აქვს, ყველაზე დაბალი კი გორში.

19% ფიქრობს, რომ 2014 წლის შემდეგ ოზურგეთში საცხოვრებელი პირობები გაუმჯობესდა,13 % მიიჩნევს საცხოვრებელ პირობებს გაუმჯობესებულად ზუგდიდში, ასევე 10% აფასებს დადებითად გურჯანში, 8%–ია კმაყოფილი მცხეთაში, ერთნაირი მაჩვენებელი, 7%–7% აქვს თბილისსა და ბათუმში, 5% – თელავში, 4% ქუთაისში და 2% გორში.

გამოკითხვა ჩატარდა 2015 წლის 8 აგვისტო-10 სექტემბრის პერიოდში. წარმომადგენლობითი შერჩევის საფუძველზე, პირისპირ ინტერვიუებით, საქართველოს მასშტაბით 4,448 მოქალაქე გამოკითხეს. კვლევაში საშუალო ცდომილების ზღვარი +/- 3.01%–ია.

NDI-ის კვლევა დაფინანსებულია შვედეთის საერთაშორისო თანამშრომლობის განვითარების სააგენტოს (Sida) მიერ.

[ნინო ნარიმანიშვილი, ახალციხე]