ელჩი საქართველოს მოქალაქეებს მოუწოდებს, თურქეთში გადაადგილებისგან თავი შეიკავონ

"გავრცელებული ინფორმაციით, აქ იყო სამხედრო გადატრიალების მცდელობა. ამჟამად ვითარება გაურკვეველია. ჩვენ თვალყურს ვადევნდებთ მოვლენების განვითარებას. თურქეთი ჩვენი სტრატეგიული მეზობელია და მინდა ვუსურვო მშვიდობა. რაც შეხეება საქართველოს მოქალაქეებს, რჩევა იქნება, რომ თუ გადაუდებელი აუცილებლობა არ არის, სანამ სიტუაცია არ განიმუხტება, ზედმეტი მოძრაობისა და გადაადგილებისგან თავი შეიკავონ და სახლებში, ინფორმაციის საშუალებებზე თვალყურის მიდევნებით და ჩვენი ცხელი ხაზის გამოყენებით, მოვლენების განვითარებას ადევნონ თვალი",- განაცხადა ირაკლი კოპლატაძემ.

თურქეთში სახელმწიფო გადატრიალების მცდელობაა. ვრცელდება ინფორმაცია, რომ სტამბულსა და ანკარაში მძიმე სამხედრო ტექნიკაა შეყვანილი. სტამბულში ჯარის მიერ ბლოკირებულია ევროპისა და აზიის დამაკავშირებელი ორივე ხიდი. თურქეთის გენერალური შტაბი ხელისუფლების ხელში ჩაგდების შესახებ იუწყება. თურქმა სამხდრებმა ქვეყანაში სამხედრო მდგომარეობა და კომენდანტის საათი გამოაცხადეს.

თურქეთის პრეზიდენტმა რეჯეფ თაიფ ერდოღანმა განაცხადა, რომ მთავრობა კვლავ მოქმედია და არ დაუშვებს, ქვეყანაში დემოკრატიას საფრთხე შეექმნას. მან მოქალაქეებს ქუჩაში გასვლისკენ მოუწოდა.

[ნინო ნარიმანიშვილი, ახალციხე]