ასპინძისა და რუსთაველის ქუჩებზე კორპუსების სადარბაზოებს რეაბილიტაცია ჩაუტარდება

ასპინძის N26–სა და რუსთაველის N95ა–ში მდებარე საცხოვრებელი სახლების ფასადების, სადარბაზოებისა და მიმდებარე ინფრასტრუქტურის რეაბილიტაციაზე მერიამ ტენდერი გამოაცხადა. შესყიდვის სავარაუდო ღირებულება 380 715 ლარია.

სატენდერო დოკუმენტების მიხედვით, სადარბაზოსა და სარდაფის შესასვლელებში მოეწყობა რკინის კარები, სადარბაზოებზე გაკეთდება კოდირებული საკეტები, ფასადების დაზიანებული ადგილები შეილესება ქვიშა–ცემენტით, აივნებზე დაიგება მეტლახის ფილები, მოაჯირები კი ლითონის კონსტრუქციით მოეწყობა და შეიღებება.

სამუშაოები ხელშეკრულების დადებიდან 16 კვირაში დასრულდება.

[მარიამ ბარძიმაძე, ახალციხე]